Continúan en ascenso os casos activos de Covid-19 en Valdeorras. Así, a comarca rexistra neste 17 de decembro un total de 206 positivos por coronavirus (27 máis que o pasado mércores), segundo os datos do Sergas actualizados ás 18h. de onte.
Varios municipios rexistran unha suba nas cifras de casos. Entre eles destacan os aumentos no Barco cun total de 73 positivos (26 máis que o mércores) e na Rúa, que sobe ata os 73 positivos, o que supón 3 máis que o mércores.
Tamén medran os casos en Rubiá con 3 positivos (1 máis que o mércores) e en Vilamartín con 13 positivos (6 máis que o mércores).
Por contra, baixan os positivos no Bolo cun total de 11 (2 menos que o mércores), en Larouco con 10 (2 menos que o mércores) e na Veiga con 13, 5 menos que o mércores.
As cifras de contaxios mantéñense en Carballeda de Valdeorras, con 2 positivos, e en Petín que segue con 8 positivos.
En canto aos ingresos por Covid, o Hospital Público de Valdeorras está agora libre de coronavirus.
