Unha xornada máis mantéñense á alza as cifras de casos activos na comarca de Valdeorras, que na xornada deste martes 11 de xaneiro suma un total de 931 positivos (datos actualizados ás 18h. de onte), o que supón 88 máis que onte segundo os datos feitos públicos pola Consellería de Sanidade.
Por concellos, o Barco volve bater un novo récord de contaxios de Covid con 620 positivos, o que significa 54 máis que onte. Tamén soben en practicamente todos os municipios: O Bolo rexistra 41 contaxios (6 máis que onte); Carballeda de Valdeorras ten 31 (1 máis que onte); Larouco ten 42 casos activos (7 máis que onte); Petín ten 22 (3 máis que onte); A Rúa suma un total de 112 (11 máis que onte); Rubiá 36 (5 máis que onte); e Vilamartín 21 (1 máis que onte).
O único concello valdeorrés que se mantén hoxe é A Veiga, con 6 casos activos, os mesmos que onte.
