Despois dunhas intensas e completas xornadas de Entroido por toda a Galicia interior, o Periódico O Sil saca á rúa o número de marzo. Unha edición en papel que abre a reportaxe sobre o proxecto no que está traballando a Asociación para o Desenvolvemento Rural (GDR) Sil-Bibei-Navea, para dotar de banda ancha ao territorio dos dez concellos que forman parte dela, co fin de dotar a veciños e empresas de ferramentas dixitais para poder avanzar mentres se manteñen no rural.
Este número inclúe unha entrevista coa actriz Lucía Álvarez, natural de Mouruás (San Xoán de Río), achegando ademais citas como a Festa do Botelo en Vigo; a Feira do Lázaro en Verín; a Queima das Madamitas en Ourense; ou a celebración do Día do Pai, entre outros moitos temas.
En O SIL Deportivo poñemos o foco na nova tempada de pesca que comeza o 15 de marzo, entre outras disciplinas como fútbol, baloncesto, tenis, motor ou natación.