Sábado 18 de maio ás 21:30 horas no campo da feira de Viana do Bolo. É a data elixida pola comisión de festas para a II Cea Popular das Festas de San Antón do Toural que nesta ocasión terá un menú a base de empanada, chourizo, agulla e panceta á grella, viño e auga, bica, café e chupitos.
As entradas custan 15 euros anticipada e despois 20 euros e xa están á venda en Jorge Álvarez Estilistas, Súper Marsel e a través dos membros da comisión.
Despois da cea terá lugar a Toniño Party aberta a todo o mundo a cargo de DJ Tariro con “moita música, sorpresas, sorteos e barra ata que o corpo aguante”, adiantan dende a organización.
