Quedan catro partidos para rematar a liga na preferente Galicia, dous deles na casa, por iso o Centro de Deportes Barco quere volver encher o campo municipal de Calabagueiros.
Para o anterior partido en casa, contra o Atlético Arnoia (2-1), repartían 5.000 entradas entre os nenos e os pais de Vadeorras e comarcas limítrofes e nesta ocasión farán unha xornada de portas abertas, convidando a toda a sociedade valdeorresa para seguir celebrando o 50 aniversario.
A cita será este domingo 28 de abril ás 18 horas para ver o partido da xornada 31 entre o CD Barco e o CD Moaña, con hamburguesas á grella gratis para todos os asistentes.