Un total de 23 viños da D.O. Valdeorras eran catados na xornada do sábado 11 de marzo no curso de cata “A arte do viño envellecido” organizado pola Asociación Ruta do Viño de Valdeorras no Hotel Calzada, en Arcos (Vilamartín de Valdeorras).
Da man do director técnico do Consello Regulador da D.O. Valdeorras, Jorge Mazaira, na sesión de mañá catábanse 13 brancos e na de tarde 10 tintos.
O curso, eminentemente práctico consta de 10 horas e remata hoxe coa parte máis lúdica que inclúe visitas a viñedos de Larouco, Castrillón e contorna das covas de Seadur.
Máis información e fotos no seguinte enlace: https://osil.info/unha-vintena-de-persoas-asiste-ao-curso-de-cata-organizado-pola-ruta-do-vino-de-valdeorras/
Fotos e vídeo: Carlos G. Hervella.
