Abrindo o mes de febreiro, o IES Carlos Casares de Viana do Bolo inauguraba a 6ª Semana da Orientación, na que os os alumnos de Bacharelato e ESO teñen a posibilidade de coñecer de primeira man, os plans de estudos das diferentes universidades galegas, doutras comunidades e incluso países como Portugal.
Así, na mañá do luns día 2, trala presentación por parte do director do centro Carlos Ferreiro e do orientador, Plácido Blanco, procedíase a inaugurar a xornada que contou coa presenza de representantes das Universidades de León, Santiago e Vigo, así como da Universidade en Portugal e da Universidade Europea de Madrid, entre outros.
A primeira hora da mañá, o alumnado do centro pudo asemade entrevistarse con profesionais de diferentes ramas: Arte e Humanidades, Ciencias, Sociais e Xurídicas, Enxeñería e Arquitectura e Ciencias da Saúde. O alumnado de Bacharelato e ESO tivo tamén a oportunidade de coñecer as ofertas en Electrónica (da man de profesorado do IES Xermán Ancochea de Trives), de Automoción (IES Lauro Olmo do Barco) e do Centro Universitario da Defensa.
Os actos de orientación continuarán no mes de abril con diferentes accións dirixidas ao alumnado da ESO: exploración psicopedagóxica, reunión coas familias, acollida ao futuro alumnado e charla sobre os Bacharelatos, entre outros.
