Transparencia e traballo, diálogo, rigor e responsabilidade, ideas e ilusión, verdade, estabilidade e servizo a Trives. Para o candidato do PP á alcaldía de Trives, Jesús Prieto Pérez, estas serán as características do seu futuro goberno municipal. Así o adiantaba na presentación da lista que encabezará nas vindeiras eleccións municipais de maio. O acto tiña lugar na tarde do 21 de abril no Hostal La Viuda da vila trivesa. Ademais Prieto recalcaba que “se algo temos claro, e algo defenderemos por riba de todo, é o obxectivo primordial do noso programa: Trives”.
Ademais desvelábanse os nomes do resto da candidatura, formada (do número 2 ao 11, respectivamente) por: Agustín Rodríguez Rodríguez, Sergio de Prado Agudo, Santiago Álvarez Domínguez, Sonia García Pérez, Simón Rodríguez Domínguez, Tomás Vega Rodríguez, Higinio Guerra Fernández, Pío Domínguez Rodríguez, Álvaro Mario Álvarez Prieto, Gustavo Macía Estévez. Ademais hai seis suplentes.
O acto tamén contaba coa asistencia do presidente do PP de Ourense, Manuel Baltar, quen incidía en que “a 33 días das Eleccións Municipais, a única forza política que é capaz de garantir gobernos estables e de futuro nos concellos é o PP de Ourense”.