A Área Sanitaria de Ourense, Verín e O Barco supera a barreira dos 200 casos activos de Covid. Segundo a última actualización feita pública pola Consellería de Sanidade, rexístranse a día de hoxe 203 casos, dos cales 7 están ingresados en planta no Hospital Universitario de Ourense e 3 na Unidade de Coidados Intensivos (UCI) deste mesmo centro.
Os 193 pacientes restantes están a seguemento a domicilio. O total de casos rexistrados na provincia ascende a 2.258, con 1.921 curados e 134 falecementos.En total na provincia lévanse realizado 40.460 probas PCR.
Fronte aos 10 ingresos do hospital de Ourense, os hospitais de Valdeorras e de Verín seguen libres de virus.
Galicia supera os 2.300 casos
Na última actualización de Sanidade o número de casos activos de coronavirus en Galicia é de 2.306 deles 1.207 son da área da Coruña, 304 da de Lugo, os 203 xa citados da de Ourense, 120 da de Pontevedra, 154 da área de Vigo, 212 da de Santiago, e 106 da de Ferrol.
Do total de pacientes positivos, 10 están en UCI, 66 en unidades de hospitalización e 2.230 no domicilio. Polo de agora, en Galicia hai un total de 11.889 persoas curadas, rexistrándose 632 falecementos.
O número de PCR realizadas é de 302.859.
