Nova xornada de estabilidade no número de casos activos de coronavirus na comarca de Valdeorras, que se mantén con 47 positivos, os mesmos que onte, segundo comunica o Sergas neste sábado 17 de abril.
No caso do Barco rexístranse 23 casos activos, os mesmos que onte aínda que a incidencia acumulada para este concello baixa e sitúase entre >75 e ≤ 125 a 7 días, e entre >150 e ≤250 a 14 días, segundo a Consellería de Sanidade.
Carballeda de Valdeorras mantén tamén o número de casos dos últimos tres días, é dicir 17, mantendo tamén a incidencia a 14 de días de máis de 500, mentres que é de menos de 250 nos últimos 7 días, segundo a Consellería de Sanidade.
A Rúa mantén 3 casos activos, igual que onte, así como a incidencia acumulada a 7 días de >25 e ≤75 e a 14 días de >50 e ≤150. Rubiá continúa tamén con 3 casos activos de coronavirus pero baixa considerablemente a incidencia acumulada a menos de 10 a 7 días e máis de 150 e menos de 250 a 14 días. Finalmente Petín mantén 1 caso cunha incidencia acumulada a 7 días de >75 ≤125 e a 14 días de >50 e ≤150. Todos, datos facilitados por Sanidade.