Nova cita co escenario neste mes de abril para o Orfeón Valdeorrés. Esta formación coral ultima dos detalles do seu Festival de Primavera, que se celebrará o vindeiro 15 de abril ás 19:30h. no Centro Cultural Avenida da Rúa.
“Xa fai uns cantos anos que non cantamos nesta localidade veciña e apetecíanos ter un xesto cara aos veciños da Rúa e, en especial, a compañeiros moi queridos que tivemos desa localidade e outros que están a formar parte da nosa agrupación coral na actualidade”, adiantan dende o Orfeón Valdeorrés.
Neste concerto esta formación musical, que dirixe José Ramón Mansilla e preside María Luisa Álvarez, traerá como coros convidados á Coral Polifónica Máximo Gorki de Vigo e á Coral Polifónica Novos Aires de Nigrán.