Na provincia de Ourense inicia Correos a campaña especial destinada ao envío de castañas, para que os cidadáns manden este produto por paquetería a calquera punto da península. Este servizo, que se prolongará ata o 15 de novembro, está destinado ao envío de castañas cun desconto na paquetería. Está activo nos concellos de Bande, O Barco de Valdeorras, Castro Caldelas, Cortegada, Gomesende, A Gudiña, Maceda, Padrenda, A Pobra de Trives, Ribadavia, A Rúa de Valdeorras, Verín e Viana do Bolo. Tanto en oficinas postais como a través dos carteiros e carteiras rurais na porta dos domicilios, os cidadáns poderán enviar a cantidade de produto que desexen, coa recomendación de que o sequen ben.
Ao ser un produto alimentario, “o servizo de Correos está pensado para que a entrega realícese con urxencia e efectividade: co fin de que chegue en óptimas condicións, a admisión farase de luns a xoves. O cliente pode elixir o lugar de entrega (domicilio, empresa, local comercial, oficina de Correos…) e inclúe ademais notificacións SMS e de correo electrónico para o destinatario. Todos os envíos contan cun seguro especial incluído”, segundo indica este operador.
