Os viños de Monterrei estarán presentes en ‘Galicia Wines and Augardentes Festival’, que terá lugar o vindeiro 3 de decembro en Londres. Monterrei formará parte desta acción de promoción conxunta, organizada pola Unión Española de Catadores (UEC) e a Asociación de CC.RR. Vitivinícolas Galegos e das II.GG. Augardentes e Licores Tradicionais de Galicia (ACRUAGA).
A mesma celebrarase en 67 Pall Mall da capital británica, e trátase da segunda acción conxunta efectuada polos Consellos Reguladores de viños e destilados galegos, este ano, tras a participación en ‘Wine Paris & Vinexpo Paris’.
No espazo de Monterrei, os participantes poderán coñecer os viños das seguintes adegas rexistradas na denominación: Trasdovento, Pazo das Tapias, Ladairo, Tabú, Alba Al-Bar (Daniel Fernández), Vía Arxéntea, Crego e Monaguillo, Fausto Rivero Pardo (Quinta Soutullo), Fragas do Lecer, Gargalo, José Antonio Da Silva Pereira (Vinos Lara), José Luis Mateo García (Quinta da Muradella), Pazo de Valdeconde, Franco Basalo e Manuel Regueiro García.
Ademais, recibirán información sobre o territorio, historia e tradición vitivinícola, características edafoclimáticas, variedades de uva ou tipoloxía de viños, entre outras cuestións.