Por fin chegou o día e nunhas datas moi especiais. A casualidade quixo que foxe ás portas do Nadal cando se completaba o expediente da primeira vivenda pública de alugueiro social do Concello da Rúa.
Tras meses de traballo e burocracia que se completaba coa elección da persoa beneficiaria, na mañá deste venres 20 de decembro entregábase, no Salón de Plenos do Concello rues, ás chaves desa primeira vivenda.
O tenente de alcalde, Luis F. Gudiña, era o encargado da entrega á persoa adxudicataria, Josefa Fidalgo Ferreiro, adiantando que por puntuación foi a persoa elixida das seis solicitantes coas que contan. “Pensamos que é unha das persoas que máis necesita a vivenda neste momento pero estamos xa buscando financiamento para arranxar as outras catro vivendas que temos desafectadas”, dixo Luis, destacando que contan con unha xa preparada e completamente equipada en caso de emerxencia social.
Fotos e vídeos: Mónica G. Bellver.
