A antiga Festa de Reis da Mezquita, que se iniciaba na tardiña do 2 de xaneiro co canto dos Reis, celebraba hoxe o día dos “invitados”, no que se convida a persoas de fóra da vila a asistir ao banquete desta xornada, cun menú especial e no que tampouco falta a música, que desta volta corría a cargo da Charanga Tatoo de Trives.
Homes e mulleres celebraban estes banquetes por separado, neste galería de fotos pode verse a celebración na Casa dos Reis, na que se xuntaban os homes da Mezquita e máis os convidados. A mesa está presidida polo Rei e polo Virrei que neste ano 2025 eran, respectivamente, Pablo e Jose.
No xantar, servíanse callos de primeiro prato, seguidos de cabrito, chuleta e, de sobremesa, sesos doces. Non faltaban tampouco, o café e os licores, ademais de música e baile. Entre os asistentes nesta ocasión estaban membros da Peña Rodas da Rúa.
Por outra banda, as mulleres xuntábanse noutro local, nun xantar presidido pola Raíña Cristina e pola Virraíña Yanet.
Anteriormente, durante a mañá, veciños e cargos acudían á misa.
Fotos e vídeo: O SIL.
