Seguimos co apartado musical da XXIII Festa do Botelo do Barco. A actuación do Orfeón Valdeorrés e a Ronda Amigos del Bierzo no Teatro Lauro Olmo marcaba o inicio do programa cultural e o concerto de Budiño porá o broche no mesmo escenario.
E xusto no medio, o Día do Botelo, sábado 18 de xaneiro, seis grupos amenizarán, a partir das sete da tarde, a Foliada e Cantos de Taberna por oito establecementos hostaleiros da vila: Os Corenta e Chinco, Os do Venres, Os Somontanos, Macizas Centrais, Ministreles e Foliada de Bosende.
