A Asociación Empresarial de Valdeorras (AEVA) daba a coñecer os gañadores da súa campaña do Nadal “Recomenda Valdeorras en Nadal”. Esta iniciativa tivo como obxectivo promover o comercio local e destacar a maxia do Nadal na comarca, animando a veciños e visitantes a compartir as súas mellores fotografías do Nadal en redes sociais.
Gañadores da campaña: • Nunci Domínguez Blanco • José Manuel Otero Pérez • María Rodríguez.
“As súas fotografías, cheas de creatividade e espírito do Nadal, foron seleccionadas entre numerosas participacións”, segundo AEVA. Cada gañador recibiu tarxetas ValdeCash valoradas en 100 €, que poderán gastar en catro negocios asociados a AEVA.
“Estamos agradecidos pola participación de tantas persoas que, a través das súas fotos, capturaron o espírito único do Nadal na nosa comarca”, declarou a presidenta de Aeva Araceli Fernández.
AEVA agradece a colaboración de todos os participantes e reafirma o seu compromiso co desenvolvemento e promoción de Valdeorras como un lugar cheo de encanto e oportunidades.
