A D.O. Ribeiro vén de recibir un total de 20 galardóns no VII Concurso Nacional de Viños VinEspaña 2025, celebrado do 12 ao 13 de febreiro durante Enomaq, Zaragoza. Na categoría de Viños Brancos Tranquilos foi premiada con catro Grandes Ouros, cinco Ouros e nove Platas. Así mesmo, nomearon a un dos Grandes Ouros como mellor veu nesta categoría. Pola súa banda, na modalidade de Viños Tintos Tranquilos alzouse cun Ouro e na modalidade de Variedades Minoritarias recibiu unha Prata.
Concha Iglesias, presidenta do Consello Regulador da D.O. Ribeiro, ante os excelentes resultados obtidos nesta nova edición deste certame comenta “a obtención de tan bos resultados confirma o bo camiño que está a levar esta Denominación de Orixe e que un dos nosos viños sexa considerado como o mellor da categoría brancos tranquilos de todo o concurso, comprácenos aínda máis”.
VinEspaña
Este concurso de viños está integrado dentro dos Concursos Nacionais e internacionais que patrocina a Unión Internacional de Enólogoes/Enólogos (UIOE). A Federación Española de Enoloxía busca a produción de viños de gran calidade, favorecer o seu coñecemento entre os consumidores, destacando os viños premiados e a riqueza vinícola do noso país. Así como contribuír á expansión da cultura do viño e ao progreso do sector, fomentando o coñecemento vinícola. Ao mesmo tempo que se reforza o prestixio e a confianza nos concursos desta categoría.
Viños premiados da D.O. Ribeiro
Modalidade Viños Brancos Tranquilos
GRAN OURO
- Adeus 2024 de Bodegas Campante SA *Mejor vino en la categoría Blancos Tranquilos*
- A Telleira Godello 2024 de Bodegas Campante SA
- Juan Míguez El Godello 2024 de Bodegas O Ventosela SL
- Alter 2024 de Priorato de Razamonde
OURO
- Seika 2023 de Ladeiras do Ribeiro
- Gran Leiriña 2024 de Bodegas O Ventosela SL
- Mourama 2024 de Adegas Pazo do Mar SL
- Viña Reboreda 2024 de Bodegas Campante SA
- Ramón do Casar Treixadura 2024 de Ramón do Casar
PRATA
- Cantos de Meigas 2024 de Adegas Pazo do Mar SL
- Terras do Castelo 2023 de Adegas Galegas
- A Telleira Parcelas 2024 de Bodegas Campante SA
- Ramón do Casar Nobre 2023 de Ramón do Casar
- Catro Ferrados 2023 de Adega Catro Ferrados
- Ramón do Casar Godello 2023 de Ramón do Casar
- Ramón do Casar Varietal 2024 de Ramón do Casar
- Flor de Elisa 2023 de Adega Dona Elisa SL
- Son de Arrieiro 23/22/17 de Xulia Bande
Modalidade Viños Tintos Tranquilos
OURO
- Canción de Elisa 2023 de Adega Dona Elisa SL
Modalidade Viños Variedades Minoritarias
PRATA
- A Telleira Caíño Blanco 2022 de Bodegas Campante SA