Bos resultados para o Fluvial Barco na primeira xornada de competición nacional de augas bravas que se celebra en Valdeorras nesta fin semana. Así o sábado 5 de abril as augas do río Sil eran escenario, no Barco, da 2ª Copa de España de Augas Bravas na modalidade sprint, tanto individual como por patrullas (equipos). Así, neste Campionato de España de Patrullas, o Club Fluvial O Barco alzábase coa vitoria, seguido do Piragüismo Cidade de Lugo e o Club Montaña Quixós.
Deste xeito, en K1 Senior masculino Patrullas vencían Jesús Rodríguez, Guillermo Fidalgo de León e Saúl Rodríguez, do Fluvial O Barco, cun rexistro final de 00:45:73. En segunda posición situábanse Rafael Herrera Dorado, Xavier Miralles e Alan Padilla, do Sícoris Club, mentres que a terceira posición correspondíalle a Daniel Núñez, Hugo Rodríguez e Sergio Ruiz, do Fluvial O Barco, cun tempo de 00:50:46.
En K1 Cadete masculina Patrullas o triunfo era para Quim Oronich, Iker Zabellos e Alex Solé, do Sícoris Club (00:50:90), en tanto que na segunda posición quedaban Miguel Artime, Diego Ávila e Javier Ribero, do Cultural de Covadonga.
Xa na categoría K1 Senior feminino Patrullas ganaban Alba Bueno, Enma Devesa e Nuria Romero, do Cidade de Lugo (00:54:69), sendo segundas Noa Díaz, Ximena Prats e Nerea Gutiérrez, do Montaña Quixós, e terceiras Carlota Díaz, Marta Paredelo e Paula Paredelo, do Fluvial O Barco.
Sprint individual
No referido á competición individual sprint, en K1 Senior feminino dominaba Noa Díaz, do Club Montaña Quixós (00:46:57), Alba Oronich, do Sícoris Club era segunda e Enma Devesa, do Cidade de Lugo, terceira.
En C2 Senior masculino o mellor resultado viña da man de Alan Padilla e Xavier Miralles, do Sícoris Club (00:47:69), Jesús Rodríguez e Saúl Rodríguez, do Fluvial O Barco, segundos; e Gabriel Rodríguez López e Efrén Álvarez Vázquez, do Club Montaña Quixós, situábanse na terceira posición.
En Cadete masculino ganaba Diego Portilla, do Canoe Kaiak, Quim Oronich, do Sicoris Club, quedaba segundo, e Diego Ávila, do Cultural Covadonga, terceiro.
En K1 Junior masculino o triunfo era para Daniel Montes, da Ribeira Oviedo, en segunda posición situábase Daniel Núñez, do Fluvial O Barco, e na terceira Enol Blanco, do A Ribeira Oviedo.
En C1 Senior feminino vencía Eider de Santos, do Atlético San Sebastián, mentres que Noa Díaz, e Ximena Prats Moreiras, quedaban segunda e terceira posición respectivamente. Ambas son do C. Montaña Quixós.
En C1 Junior masculino proclamábase campión Diego Portilla, do Canoe Kaiak, en segunda posición estaba Hugo Rodríguez, do Fluvial O Barco, e Diego Expósito, do Montaña Quixós, era terceiro.
En C1 Senior masculino ganaba Rodrigo Ramos, do Canoe Kaiak. A clasificación completábana Alan Padilla, do Sícoris Club, segundo, e Efrén Álvarez, do Montaña Quixós, terceiro.
En K1 Junior feminino a vencedora era Mar Busqueta, do Sícoris Club, Alba Bueno, do Cidade de Lugo, quedaba segunda, e Sara Valera, do Montaña Quixós, terceira.
Finalmente, en K1 Senior masculino destacaba pleno de triunfos barquense con Sergio Ruiz, como vencedor, que se impuxo cun tempo de 00:42:06. Guillermo Fidalgo de León, e Jesús Rodríguez, en terceira posición.