Continúa a celebración da antiga Festa de Reis da Mezquita. Tras os cantos dos Reis o venres e a recollida dos aguinaldos na mañá de onte sábado 3 de xaneiro, neste domingo celebraban o “Día dos invitados”, no que se convida a persoas de fóra da vila a asistir ao banquete desta xornada, cun menú especial e no que tampouco falta a música, que desta volta corría a cargo da Charanga CLK.
Homes e mulleres celebraban estes banquetes por separado, neste galería de fotos pode verse a celebración na Casa dos Reis, na que se xuntaban os homes da Mezquita e máis os convidados. A mesa está presidida polo Rei e polo Virrei que neste ano 2026 eran, respectivamente, Hugo e José Antonio.
Fotos cedidas.