Cun contundente 5-1 se resolvía o partido de fútbol sala disputado na tarde do sábado 7 de novembro no pavillón municipal Victorino Núñez entre o Rúa Valdeorras FSF e o Cidade das Burgas “B”.
Eran as locais as que se adiantaban no marcador cun temperán gol de Leti nada máis comezar o partido. Un tanto que igualaban as ourensás no minuto 9, intentando por todos os medios volver a traspasar a portería de Gisela, sen acerto. Pola contra era Leti quen volvía adiantar ás valdeorresas con dous goles case seguidos, nos minutos 25 e 27. Na segunda parte as rapazas de Jovito seguían sumando, cun gol de Anxela no minuto 40 e o definitivo de María del Mar no 48′.
Con este resultado o Rúa Valdeorras suma a quinta vitoria no que vai de liga, manténdose invicto e no terceiro posto da clasificación.
Fotos: Mónica G. Bellver.