Coa finalidade de “garantir o funcionamento dos servizos esenciais durante a xornada de folga, convocada para o mércores día 11 de novembro”, o Concello do Barco designou aos seguintes funcionarios e persoal laboral que se encargarán do bo funcionamento dos servizos mínimos de atención ao cidadán:
a) Oficina de asistencia en materia de rexistros: un administrativo.
b) Secretaría e Servizos Xerais:
1. Secretaría: un/unha administrativo/a ou un/unha auxiliar administrativa.
2. Servizos Xerais: un/unha administrativo/a ou un/unha auxiliar administrativa.
c) Recadación, asistencia e tesourería:
1. Recadacións, asistencia: un/unha administrativo/a ou un/unha auxiliar administrativa.
2. Tesourería: un/unha administrativo/a ou un/unha auxiliar administrativa.
d) Servizos sociais: unha auxiliar de axuda no fogar.
e) Servizo municipal da Escola Infantil: a directora e unha técnica especialista.
f) Servizo de escola de música: o director.
g) Mantemento de instalacións, conserxería: un conserxe.
“Coa finalidade de garantir o funcionamento dos servizos esenciais de recollida de residuos sólidos urbanos e limpeza viaria do concello, durante a xornada de folga manterase a recollida de residuos hospitalarios e de centros de saúde así como de animais mortos”, aseguran dende o Concello, engadindo que para elo “disporase dun retén por cada un das quendas de traballo e por cada actividade desenvolvida composto por un condutor e dous peóns, cun vehículo”.
O Concello “fundamenta esta disposición de servizos mínimos no carácter esencial dos servizos que, de non manterse cualificados como necesarios, poderíase ocasionar un mal á comunidade maior que o dano que sofren os traballadores que exercen o dereito a folga”.