En portadaÚltima horaVídeos

O valdeorrés Alejo Ares (Adas) imponse con rotundidade na XVIII Carreira Popular dos Santiños do Barco

 

As rúas da vila do Barco volvían converterse na mañá deste 22 de novembro nun circuíto de atletismo. Desta volta para acoller a XVIII Carreira Popular dos Santiños, cun trazado de 5 km. Ás 11h. poñíase en marcha a proba, que saía dende o polideportivo de Calabagueiros, e contaba cuns 60 inscritos nas diferentes categorías.

 

 

Estes atletas tiñan que dar dúas voltas a un circuíto de 2,5 km completamente urbano e chairo que discorría polas rúas habituais: Río Mariñán, Rúa Barco de Ávila, Paseo do Malecón (onde se establecía un control de paso), para despois voltar pola rúa A Coruña ata o pavillón de Calabagueiros.

 

 

Nesta edición impoñíase con rotundidade o atleta valdeorrés Alejo Ares (Adas Cupa do Barco), ganador en categoría absoluta.

 

Esta proba estaba incluída no Calendario Oficial da Federación Galega de Atletismo e controlada a cargo do Comité de Xuíces da Federación Galega de Atletismo.

Para velar pola seguridade durante a carreira contábase coa colaboración da Policía Local e dos voluntarios de Protección Civil de diferentes agrupacións do oriente ourensán (Vilamartín, O Barco, O Bolo, Petín, A Rúa, Manzaneda) así como da Cruz Vermella Valdeorras.

 

 

Ademais, nesta edición a Carrreira dos Santiños volvía ter un carácter solidario xa que nela recollíanse doazóns de xoguetes para a Cruz Vermella, nas pistas de atletismo Luis Nogueira, no estadio de Calabagueiros, onde ademais se desputaban as carreiras das categorías da base.

Fotos e vídeos: A.R.

En breve ampliarase información e galería fotográfica.

 

 

 

 

Back to top button