Contacontos no Museo da Escola e Infancia de Trives

Para celebrar o Día Mundial dos Dereitos do Neno, as traballadoras da Biblioteca Municipal da Pobra de Trives organizaron un contacontos representado por elas mesmas e algúns colaboradores. O conto titulábase “O neno que quería un arco da vella”.

Tal como explican dende o centro máis de trinta cativos, e pais e nais, asistentes ao Museo da Escola e Infancia onde se escenificou o conto, disfrutaron dunha entretida tarde que rematou coa entrega dun “Arco da Vella Máxico” a cada un dos nenos asistentes.