A 5ª Milla Urbana da Rúa reunirá a nenos e maiores no centro da vila

O altetismo é dende hai cinco anos un dos ingredientes do programa das festas de verán na Rúa. Comezou sendo no Aguillón e despois trasladouse ata a céntrica rúa Miguel de Cervantes. Aí, de 19 a 22h. celebrarase mañá, sábado 4 de agosto a V Milla Urbana para as categorías chupetíns, pre benxamín, benxamín, alevín+infantil, cadete, xuvenil, popular, veteranos e superveteranos.

Tal como explican dende o Club Atletismo Rúa, entregaranse medallas a todos os participantes ata a categoría alevín, e haberá trofeo á mellor marca da Milla da Rúa e ao mellor local tanto masculino como feminino. “En veteranos establécense dúas categorías tanto masculino como feminino, con medalla para os tres primeiros de cada unha”, puntualizan dende a organización.