Asfaval, Disvalia e Morea recibiron tres talóns de 50 euros cada un
O maio presentado pola ANPA do colexio Divina Pastora do Barco de Valdeorras na festa celebrada o 1 de maio na praza do Concello, convertíase no gañador do “Premio do voto aberto do CCA” dotado con 150 euros. “Como tamén ganamos o 1º premio do xurado, decidimos donar este talón ás tres asociacións que tamén presentaron maio: Asfaval, Disvalia e Morea” explica a presidenta da ANPA Montserrat Rodríguez.
Así, o martes 12 de maio facían entrega de 3 talóns de 50 euros ás devanditas asociacións.