Pouco máis de dous meses despois de despedir o curso cun animado festival na praza do Concello, a Asociación Cultural Abertal da Rúa abre o prazo de inscrición da escola para o vindeiro curso 2024/25.
Adimitiranse inscricións ata o 30 de outubro pero as clases comezarán o vindeiro 16 de setembro.
E para informar sobre as diferentes disciplinas que se imparten na escola de baile e música tradicional (gaita, acordeón, baile, percusión, pandeireta e canto), terán unha reunión uns días antes, o sábado 14 de setembro ás 20 horas na Casa da Cultura da Rúa.
