Eleccións municipais 2023PolíticaÚltima hora

A candidatura do PP en Ribadavia, encabezada por César Fernández, aposta por “acadar unha ampla maioría”

 

O Partido Popular de Ribadavia vén de presentar a súa lista para as eleccións municipais do 28 de maio de 2023. A lista, encabezada por César Fernández, alcalde de Ribadavia entre xuño de 2019 e febreiro de 2021, está composta “por un grupo de homes e mulleres totalmente comprometidos con Ribadavia e une experiencia na xestión con mocidade, ilusión e gañas de traballar para mellorar o concello de Ribadavia”, indica a formación política.

Os populares sinalan que “Ribadavia necesita un profundo cambio e iniciar unha nova etapa de futuro con un goberno forte, unido, con capacidade de liderado na comarca e con capacidade de interlocución coas demais administracións, e todo isto é o que ofrece o equipo que conforma a candidatura do Partido Popular”.

Así mesmos os populares de Ribadavia amósanse “convencidos de que o próximo 28 de maio Ribadavia falará alto e claro para apoiar de xeito masivo esta candidatura, conseguindo deste xeito que Ribadavia recupere a ilusión e afronte o futuro con un goberno que será garantía de avance e progreso. Os homes e mulleres que conformamos a candidatura do PP de Ribadavia conformaremos un goberno de todos e para todos, un goberno comprometido con Ribadavia e capacitado para desenvolver o enorme potencial do noso concello”.

 

Artigos relacionados

Back to top button