Como cada ano por estas datas, na chuviosa tarde do martes 14 de novembro os Ecovixiantes de Franciscanas de Ourense subían ao Monte do Cuco, próximo a Montealegre para “arranxar o desaguisado da nosa festa patronal, o San Martiño”, din.
Avisados do que se ían atopar, os Profesores Cristina, Jaime e Lalo, xunto a unha ducia de valentes Ecovixiantes, coa axuda dunha nai, Carmen, e de Luis da aula da Natureza do Río Miño e o can ecoloxista Baloo, traballaron arreo na zona cero. “Un verdadeiro noxo, vergoña allea… cualificativos que quedan curtos ante a preciosa paisaxe… Miles de botellas, de envases, mobilidade de bolsas…”, din dende os Ecovixiantes, agradecidos a Ecourense polo material de limpeza achegado.
Fotos cedidas.
