José Antonio Quiroga, presidente da Confederación Hidrográfica do Miño-Sil (CHMS), e José Manuel Iglesias, alcalde de Maside, rubricaban este venres 17 de marzo o Protocolo que establece o marco de colaboración para o financiamento, posta ao dispor dos terreos, execución e entrega das actuacións do proxecto de conexión do saneamento de Maside á EDAR municipal
O núcleo de Maside, Santo Tomei, conta cunha poboación de 823 habitantes e verte as súas augas residuais á estación depuradora situada augas abaixo da mesma, lindeira ás estradas OU-203 e N-541, vertiendo ao arroio de Garabanes. O colector que conecta o saneamento do núcleo coa EDAR ten un percorrido complexo en planta e alzado tendo en conta das vías de comunicación que debe atravesar e a orografía adversa da zona.
En aras da colaboración entre administracións, a Confederación Hidrográfica do Miño-Sil cofinanciará as actuacións necesarias para o bo funcionamento do colector coas que se conseguirá evitar fugas e incorporacións de augas limpas que provocan verteduras incontroladas ao leito. O investimento necesario estímase en 1.000.000 euros, incluíndo o custo de redacción do proxecto, a execución do contrato de obras, así como a dirección facultativa do mesmo.
