O Campionato provincial Spinning Costa de Ourense foi íntegro para o club de pesca Veira do Sil do Barco. Tres membros do club valdeorrés copaban o podio da proba celebrada o pasado 1 de xuño no cabo Udra, en Bueu (Pontevedra).
Juanma López Maceiras era primeiro, Daniel Rodríguez Franco segundo e David Gómez Crespo terceiro, clasificándose para o autonómico que se celebrará o vindeiro 13 de xullo tamén en Bueu. Martín Vázquez da Silva, tamén do club, era cuarto.
