Lixeira baixada de casos activos de coronavirus en Valdeorras. Así, a comarca rexistra neste luns 21 de febreiro un total de 154 positivos, 12 menos que o venres, segundo os datos feitos públicos pola Consellería de Sanidade (actualizados ás 18h. de onte).
Con todo hai concellos nos que sube o número de contaxios. É o caso de Carballeda con 18 positivos (4 máis que o venres), Larouco con 2 (1 máis que o venres), A Rúa con 28 positivos (8 máis que o venres), e Rubiá con 3 (1 máis que o venres).
Pola contra, os casos activos baixan no Barco con 82 (19 menos que o vernes), no Bolo con 5 (4 menos) e Vilamartín con 5 (3 menos). As cifras de positivos mantéñense en Petín con 7 e na Veiga con 4, as mesmas que o venres.
Con respecto ás hospitalizacións, o Hospital Público de Valdeorras conta con 4 ingresos en planta. No conxunto da provincia, os ingresos ascenden a 77 en planta e 7 en coidados intensivos.
