DeportesPiraguismoÚltima hora

A Copa Deputación de Piragüismo pecharase este domingo en Barra de Miño

Nela daranse cita 137 padexeiros de toda a provincia, entre eles os do Fluvial Barco

Publicidade

 

Un total de 137 padexeiros participan este próximo domingo, día 25 de setembro, na quinta regata da Copa Deputación de Piragüismo, a celebrar en Barra de Miño (Coles). Unha proba incluída no campionato provincial desta disciplina e organizada polo Club Piragüismo Ourense e a Federación Galega de Piragüismo, ademais do patrocinio da Deputación.

A regata foi presentada esta mañá no Pazo Provincial coa presenza do asesor de Deportes do goberno provincial, Bernardino González; a tenente alcalde de Coles, Susana Rodríguez; e os representantes do club organizador, Mercedes Sánchez e Santiago Carvajales.

A regata pecha a tempada 2021-2022, así como tamén a liga provincial nas categorías prebenxamín, benxamín, alevín, infantil e cadete. Os 137 inscritos, un 25 % máis con respecto á participación do pasado ano, pertencen a cinco clubs da provincia: Fontefría de Muíños; Fluvial O Barco; Fluvial Avión; Castrelo de Miño; Fluvial Allariz; e Piragüismo Ourense.

Artigos relacionados

Back to top button