Espectacular xornada de fútbol sala no pavillón municipal de Viana do Bolo. Aínda non rematou a liga pero os equipos xuvenil e sénior do Vianariño FS xa son campións de liga co conseguinte ascenso de categoría. Dous títulos que celebraban por todo o alto na tarde e noite deste sábado 26 de abril coa afección.
Ás 17 horas o sénior feminino xogaba contra o Arnoia B perdendo 0-5 e malia que estaba previsto que ás sete se entregaran os trofeos, finalmente cambiábase o orde e tras saudar á afección, comezaba o último partido do equipo sénior de Preferente na casa, ca liga xa ganada, contra o Gondomar FS que vencían cun contundente 6-1, regalando así á afección a última vitoria do ano.
E xa coa euforia desta vitoria tiña lugar a entrega de medallas e copas, primeiro ao equipo xuvenil adestrado por Iván e Manu que fixo unha extraordinaria campaña. Despois de gañar a Copa Diputación a tempada pasada, gañaba a liga regular provincial 24-25, nun ano cheo de alegrías onde sumaban 13 vitorias, 1 empate e tan só 2 derrotas. Con 91 goles a favor e 27 en contra xogarán o play off de ascenso a Liga Galega.
Despois recollía as medallas e a copa o equipo sénior de Xocas e Juanjo a quen manteaban os propios xogadores dentro da propia euforia. Tras gañar 2-6 ao Baíña e coa derrota dos seus perseguidores, na xornada 28 proclamábanse matematicamente campións de liga e novo equipo de Terceira División Nacional.
Ao acto no pavillón acudían representantes da Federación para facer entrega dos trofeos, así como os alcaldes de Viana do Bolo, Andrés Montesino e Vilariño de Conso, Melisa Macía, xunto a outros membros das corporacións municipais e afeccionados.
A festa non remataba a aí de despois baixaban ata o pilón a celebrar “con todos vos algo que é voso e que poucas veces se pode celebrar, como é un ascenso e un título”, aseguran dende o club, adiantando que “ás 00:30 horas no bar Carpe Diem da man de @djtariro teremos festa do Vianariño e sortearán camisetas e bufandas do club”.
Fotos e vídeos: Carlos G. Hervella.
