Ao longo das dúas xornadas nas que se celebraba na praza de Viloira (O Barco) a XXIV Feira do Viño de Valdeorras eran moitas as persoas que se achegaban ao recinto para percorrer as diferentes casetas da vintena de adegas da denominación que participaban nesta edición. Nelas degustaban as súas diferentes referencias, tanto de brancos como de tintos.
Nesta galería de fotos facemos un resumo en imaxe da tarde do domingo 9 de xullo, a derradeira desta mostra vitivinícola na que o ambiente estaba animado polos cantos de taberna de Os Pándega.
Fotos: Carlos G. Hervella.
