Na mañá deste sábado no Casino do Barco celebrábase unha sesión ordinaria da Xunta Directiva da Asociación de Clubs Galegos de Fútbol da que forma parte o presidente do CD Barco, Nilo Ramos, vicepresidente da asociación xunto a Lupe Murillo (Pontevedra CF). Na imaxe que acompaña a esta información aparecen membros deste entidade xunto a directivos do Casino barquense.
A reunión, convocada polo presidente do colectivo, Ángel A. Fernández Lendoiro, comezaba a mediodía e entre os puntos da orde do día, figuraban os informes do presidente e do tesoureiro, así como a posibilidade de organizar tanto o torneo alevín de fútbol-8 como a Gala da asociación.
