Na tarde deste domingo 25 de febreiro a Asociación Casino do Barco celebraba a súa asemblea anual na que renovaba, por dous anos máis, a directiva presidida por Pablo Dobao.
Tal como explica o presidente catro membros deixaban o seu cargo por cuestións persoais e finalmente, acompañarano nesta nova lexislatura Yahel Martín (vicepresidenta), María Josefa Fidalgo (secretaria), Marta Vidal (vicesecretaria), Luis Arias (tesoureiro) e Efrén Barreda (vicetesoureiro). Como vogais figuran Daniel Trincado, José Carlos Vilor, Diego Seco, Alejandro Manuel Prieto e Juan José Pardo.
Ademais de manter a liña de actividades dos últimos anos, tanto culturais (presentacións de libros, exposicións,…) como lúdicas, colaborando e cedendo ademais as instalacións a outras asociacións e agrupacións que o soliciten, o gran proxecto que teñen para estes dous anos é a reforma da cafetería.
Fotos cedidas.
