CD TrivesDeportesFútbolÚltima hora

A Escola Deportiva do CD Trives viaxa ata Bragança (Portugal) para participar no seu I torneo internacional de fútbol de formación

Os pequenos da Escola Deportiva do CD Trives./ Foto cedida.

 

O fútbol trivés está de noraboa. A Escola Deportiva do CD Trives, formada este mesmo ano, está xa en Bragança (Portugal) para participar no 20º Torneio Internacional de Futebol de Formação ‘Crescer Jogando 2022’.

Convidados polo equipo local, os pequenos do club trivés enfrontaranse aos mellores conxuntos lusos como o Oporto, o Benfica ou o Sporting Lisboa, entre outros moitos. “Trátase dun torneo con máis de 1.200 nenos, no que se fomenta unha serie de valores, como a unión e o compañeirismo, para que os pequenos aprendan que non só se trata de gañar ou perder”, adianta o adestrador, David Pérez.

O torneo celébrase durante toda a fin de semana para as diferentes categorías sendo mañá de 9 a 19 horas cando xoguen os pequenos do Trives, o único equipo español.

 

Artigos relacionados

Back to top button