A Estación de Montaña Manzaneda afronta a Semana Santa co 80% de ocupación a día de hoxe, sen descartar “máis reservas e afluencia de visitantes dada a previsión de apertura de pistas para a práctica do esquí, pois para esta noite anúncianse condicións de temperatura e humidade adecuadas por innivar”, aseguran.
Non foi posible facelo a noite pasada, ao non producirse o esperado descenso de temperaturas, pero os 5/8 centímetros de neve caídos e o funcionamento dos canóns durante as próximas horas manteñen a esperanza de poder esquiar durante toda a fin de semana. En calquera caso, os partes definitivos de neve publicaranse, como é habitual, á primeira hora da mañá de cada xornada nas redes sociais da Estación de Montaña de Manzaneda, cun avance provisional o día anterior.
O fortait terá un prezo rebaixado de 15 euros ata a reparación do telecadeira principal. O acceso a Cabeza Gran de Manzaneda poderá realizarse a través da carreira.
Vídeo da Estación de Montaña Manzaneda con neve: https://youtube.com/shorts/Fg_oZP89Vv0?feature=share
