O CD Trives está de noraboa. O vindeiro 29 de setembro o seu membro e futuro socio máis novo, cumprirá 1 mes. Xavi Pérez Carballo naceu o 29 de agosto e leva as cores do equipo de fútbol no sangue. Non en van os seus pais Avelino Pérez e Eva Carballo levan anos vinculados ao club, el como xogador e ela como membro da directiva.
Tal como explica a súa nai, por suposto que o farán socio do CD Trives, de feito con menos dun mes de vida xa loce a súa propia camiseta personalizada.
Durante a procesión da Dolorosa, todo o mundo felicitaba aos orgullosos papás, contentos de contar cun novo membro na familia futbolística e un novo veciño na Pobra de Trives. Noraboa parella!
