A serra de San Mamede é territorial e administrativamente competencia de diferentes administracións locais. “Estas por separado non contan con medios materiais nin humanos para poder activar todos os seus recursos e que estes poidan así funcionar como motores de desenvolvemento local, razón pola que os concellos de Vilar de Barrio, Maceda, Montederramo e Laza procuran unir esforzos no marco dun convenio asinado polas catro partes para a dinamización socioeconómica do territorio”, tal e como veñen de informar dende estas administracións locais
Como primeiro paso nesa liña vaise recuperar “a tradicional romaría que na década dos 90 congregaba a centos de persoas na contorna da capela que actúa como divisoria dos diferentes concellos”, adiantan.
A festa celebrarase o 5 de agosto dende primeira hora da mañá, podendo subir camiñando a modo ruta de sendeirismo ou nalgunha das lanzadeiras que se poñerán a disposición por parte da organización. Unha vez no alto celebrarase un xantar con música e xogos populares, segundo adiantan os organizadores. Toda a recaudación irá destinada ao arranxo do propio templo, moi afectado por anos de abandono e polas adversas condicións meteorolóxicas do lugar onde foi erixido.
Para participar e reservar praza nas diferentes actividades e o propio xantar as persoas interesadas poden poñerse en contacto co concello de Vilar de Barrio no teléfono 988449001.
