CulturaCulturaMúsicaÚltima hora

A III edición do Fest Clásico Ribeira Sacra inclúe cinco concertos do 22 ao 29 de agosto

O 28 de agosto ás 19 horas haberá unha actuación na Igrexa do Parador de Santo Estevo de Ribas de Sil

Presentación do ciclo de música da Ribeira Sacra.

 

O delegado territorial da Xunta de Galicia en Ourense, Gabriel Alén, participaba hoxe na presentación da terceira edición do Fest Clásico Ribeira Sacra que terá lugar entre o 22 e o 29 de agosto e que contempla catro concertos en diferentes espazos singulares así como a entrega do Premio Galimusic.

Na súa intervención, o representante da Xunta subliñou a singularidade da proposta do Fest Clásico Ribeira Sacra, ademais do espectacular enclave no que se leva a cabo, para a promoción de Galicia como destino musical baixo criterios de calidade e sustentabilidade social e medioambiental.

Gabriel Alén resaltou “que hai poucos lugares mellores para acoller o Festival, que na contorna da Ribeira Sacra. Un lugar hospitalario, integrador e solidario. Aberto a todos e todas, e no que todas e todos sexamos protagonistas deste Xacobeo, diferente, especialmente difícil, maiormente humano e esperanzador. Así é a Ribeira Sacra un dos espazos máis emblemáticos que incide especialmente nos valores da paisaxe e da cultura”.

 

Asistentes á presentación.

 

O festival inclúe cinco concertos e a entrega do Premio Galimusic. O primeiro terá lugar o 22 de agosto ás 19:30 horas no Consorcio Local Os Peares con Alejandro Gómez e Miguel Ángel Ortega Chavaldas; o segundo terá lugar o 27 de agosto ás 19:30 horas no Mosteiro do Divino Salvador de Ferreira de Pantón, denominado Nacionalismo: Folclore e Tradición; o seguinte será o 28 de agosto ás 19 horas na Igrexa do Parador de Santo Estevo de Ribas de Sil, con A onde as negras ramas se estenden; e por último, o 29 de agosto no Consorcio Local dos Peares, ás 12 horas haberá outro concerto e final do Premio Galimusic e ás 19:30 horas no auditorio Municipal de Monforte de Lemos a clausura e un concerto patrocinado por Naturgy.

Esta iniciativa ademais do apoio da Xunta de Galicia, conta co apoio das deputacións de Lugo e Ourense, o Consorcio Turístico da Ribeira Sacra, o Consorcio Local Os Peares, os concellos da Ribeira Sacra, o Bispado de Ourense e de Lugo, as empresas Naturgy, Galimusic, Galletas Daveiga, Gadis, Caixa Rural Gallega, Bodegas Regina Viarum e o Parador de Santo Estevo de Ribas de Sil.

Artigos relacionados

Back to top button