Un ano máis, e xa van catro, Laroucautos (un grupo de amigos afeccionados ao motor) organiza a Concentración Concello de Larouco que reunirá aos clásicos o domingo 15 de marzo.
O programa arrancará ás 10 da mañá coa exposición de vehículos na explanada do polideportivo de Larouco ata as 12h. De seguido os participantes comezarán a ruta ata a rúa Doutor Vila, na Rúa, onde permanecerán expostos ata as 14:30h. aproximadamente. Nese momento darán unha volta polo municipio rematando no Hotel Espada onde terá lugar o xantar.
