Cun aforo de 300 prazas, o Hotel Finisterre acollerá o sábado 3 de febreiro a IX Festa do Botelo na Coruña que inclúe un Túnel do Viño da Ruta do Viño de Valdeorras no que se degustarán viños de 18 adegas adscritas.
Coma sempre, o menú está composto por empanada de maravallas e sopa de cocido, como entrantes, para seguir logo co prato principal, composto de botelo, chourizos, cachelos e repolo. Como sobremesa, bica e todo servido con vinos godello e mencía de Valdeorras, rematado con café e selección de licores de Valdeorras.
Haberá música en vivo e a entrada custa 50 euros.
