A música e a figura do compositor Joaquín Rodrigo (que logrou a fama mundial con obras para guitarra e orquestra como Concierto de Aranjuez sen deixar de ser un gran pianista), deixaron unha profunda pegada como artista e persoa en Sara Marianovich (pianista serbia residente no Barco de Valdeorras), sendo recoñecida pola crítica internacional como “a mellor intérprete das obras para piano do Mestre Rodrigo”.
“Foi unha gran honra e privilexio coñecerlle e poder recibir os seus consellos ao redor da interpretación da súa música”, di Sara, asegurando que no meu libro autobiográfico Envuelta en Sueños, que saíu publicado en 2023 para celebrar as súas catro décadas nos escenarios, “dedico un capítulo ao Mestre Rodrigo detallando numerosas actividades que levei a cabo para promocionar a súa música tanto en España, como a nivel mundial”.
De aí orgullo co que presenta o concerto “Homenaxe ao Mestre Joaquín Rodrigo (1901- 1999)” que, en conmemoración do 25º aniversario do seu falecemento, ofrecerá o vindeiro sábado 5 de outubro, ás 20 horas, no Teatro Loureiro Olmo no Barco de Valdeorras con entrada é libre.
Este concerto forma parte da xira internacional dedicada ao Mestre Rodrigo, que Sara Marianovich iniciaba o día 19 de xaneiro deste 2024, na Real Academia de Belas Artes de San Fernando en Madrid, da que Rodrigo foi membro, “un acto que contou coa presenza e o discurso da filla do compositor, Dona Cecilia Rodrigo”, explica a pianista. Tras o concerto no Barco, a xira continuará en Serbia e Montenegro, coinicidindo coa celebración da Festa Nacional de España; actividades auspiciadas por AECID e a Embaixada de España en Serbia e Montenegro, así como pola Sociedade de Artistas “AIE”, e en colaboración coa “Fundación Victoria e Joaquín Rodrigo”.
