Entre hoxe luns día 9 e o domingo 15 deste mes de outubre, levarase a cabo unha nova campaña de control especial sobre distraccións ao volante por parte da DXT na que participa a Policía Local do Barco de Valdeorras.
“Como fan moitas veces en certas campañas ao longo do ano, convidáronnos, e estaremos seguramente a Policía Local de Ourense e a das vilas máis grandes da provincia no control sobre todo da utilización de móbil ou algún outro dispositivo que impida estar atento á circulación”, explica o xefe da Policía Local do Barco, Fernando Lozano, adiantando que están facendo controis, sobre todo na travesía e distintas rúas do Barco, e “procederemos a denunciar aos infractores”.
