A Policía Nacional de Ourense vén de informar de que identificaba a un cidadán indio como autor dunha estafa do falso técnico de Microsoft, que estafaría 2.600€ investíndoos en Bitcoins.
“En xuño de 2021 un veciño da cidade denunciou que recibira unha chamada telefónica dunha persoa que afirmaba ser técnico de Microsoft, o cal lle dicía que detectaran a existencia de diverso “ malware” no seu computador, ofrecéndolle facer unha limpeza do mesmo por un importe de 5 euros, a pagar mediante tarxeta bancaria”, segundo informa a Policía Nacional.
Ademais, “durante a conversa esta persoa estivo a facilitarlle diversas páxinas web que non pode lembrar, decatándose nun momento determinado de que podía estar a ser vítima dunha estafa, polo que cortou a comunicación e contactou coa súa entidade bancaria, desde onde lle indicaron que coa súa tarxeta bancaria realizouse contra a súa conta un cargo por máis de 2.600€”, sinala a Policía Nacional.
Tras unha laboriosa investigación por parte do Grupo de Delitos Tecnolóxicos da Comisaría Provincial de Ourense, conseguiuse determinar que o cargo denunciado consistiu nunha compra de bitcoins, logrando finalmente seguir a trazabilidade do diñeiro ata que se fixo efectivo en dúas contas bancarias da India, conseguindo identificar ao seu titular, tamén de nacionalidade india, de 32 anos de idade.