Co velorio, procesión e queima da sardiña na praza César Conti, A Rúa despedía o Entroido 2016.
Entre berros, choros, sermón e groliños de licor de café, numerosos veciños seguiron a parodia coa que A Ruada poñía o broche de ouro aos festexos na localidade valdeorresa.
Tralo percorrido pola Rúa Vella coa “finada” que simboliza o fin do Entroido, o acto remataba na praza coa queima dos bonecos (sardiña de trampo e compadres) e posterior degustación de viño e bocadillos de sardiña.
Fotos: Mónica G. Bellver
