Tras unha pequena paréntese dunha semana, veciños da Rúa e persoal sanitario volvían reunirse no mediodía deste luns 12 de agosto no exterior do seu Centro de Saúde. Retomaban así as reivindicacións iniciadas xa en febreiro para pedir unha atención “primaria digna” e un novo centro de saúde para este municipio.
A Rúa leva celebrando estas concentracións dende hai cinco meses, cando lanzaba esta convocatoria a Asociación Galega de Medicina Familiar e Comunitaria (AGAMFEC). Con elas preténdese “defender xuntos os dereitos a túa saúde que diminúen os recortes en Atención Primaria”.
