Nesta xornada de 22 de agosto vén de rexistrarse un novo ingreso por Covid-19 na Unidade de Coidados Intensivos (UCI) do Hospital Universitario de Ourense. Trátase dun paciente, de 58 anos de idade, procedente da planta de hospitalización deste mesmo centro.
“O paciente, que levaba ingresado no hospital en situación de illamento desde o pasado mércores 19 de agosto, sufriu un empeoramento na evolución do seu cadro clínico que obrigou ao seu traslado cara á unidade de críticos”, tal e como sinala a Consellería de Sanidade.
Con este novo ingreso ascende a tres o número total de pacientes que se atopan na Unidade de Coidados Intensivos do hospital ourensán.
